стереотүтік

(Стереотруба)

ауыспалы базалы (объектілер арасындағы қашықтықпен) бинокулярлы артил-лериялық оптикалық аспап. Ол екі топсамен қосылған окулярлы дүрбіден тұрады. Ұстап тұрғыштан, лимбтен, үш аяқты мосыдан тұрады. С. ұрыс аймағына тасадан бақылауда, тік және көлденең бұрыштарды, арақашықтықты өлшеуде, атыс кезінде снарядтардың жарылуын бақылауда және нысананы байқауда қолданылады. Жоғары стереоскопиялық жағдайда С. 10—20 есе үлкейтеді, бұл алыс қашықтықтағы кеңістік тереңдігін анық көруге мүмкіндік береді. С-тің оң окулярында бұрыш өлшеуіш тор орналастырылған, оның көмегімен 0-01 дәлдікте тік және көлденең бұрыштарды өлшеуге болады.